სიყვარულზე

"ის, ვინც შეყვარებულია, ბრძენია და უფრო და უფრო ბრძენი ხდება, ყოველ ჯერზე თავის სატრფოს ახლებურად ხედავს, თვალებით და გონებით ხატავს მას და მის იმ სიკეთეთ, რომელსაც იგი ფლობს" (რალფ ვალდო ემერსონი)

"სიყვარულში ტანჯვისას გული ევნება და არა-გონება" (მარკ ტვენი)

"გრძნობები ტუჩზე ამბორს სიტკბოს ანიჭებენ, სულიერი მეორე ნახევრობა კი კურთხეულს ქმნის მას" (კრისტიან ნესტელ ბოუი)

"შენ არ გიყვარს ქალი იმიტომ, რომ ის ლამაზია, არამედ ის ლამაზია მიტომ, რომ გიყვარს იგი" (ანონიმი)

"შეხედე დროსა და მანძილს, როგორც არსს იმისა, რომ უკეთ გაათვითცნობიერო, თუ რამდენად შეუფასებელია შენი გვერდში ყოფნა" (რონალდ ჯონსტონი)

"სიყვარულში მუდამაა სიშლეგის წილი, მაგრამ სიშლეგესაც გააჩნია თავისი წილი აზრიანი შინაარსი" (ნიცშე)

"თუკი თქვენ თქვენი ფულის დათვლას შესძლებთ, ესე იგი, თქვენ არ ყოფილხართ მილიარდელი". (ჟან პოლ ჟეტი) ასეა სიყვარულშიც (კ.ვ.)

"სხვისადმი ნამდვილი სიყვარული ყოველგვარ მოსალოდნელობაზე ამაღლებას ნიშნავს. იგი საკუთარი თავის სრული მიძღვნაა და ამავე დროს, სხვისი პიროვნების საკუთარ თავში სრული ზეიმიც" (კერენ კესეი)

"და ნურავინ უწოდებს ერთმანეთს უბედურს, თუკი შეყვარებულია; თვით ცალმხრივ სიყვარულსაც კი გააჩნია თავისი ცისარტყელა" (იტონ სტანარდ ბარეტი)

"როდესაც ვინმე ტკივილს მოგაყენებს, იტირე მდინარე, მასზე ხიდი გააშენე და გადაიარე" (რიჩარდ მიდლტონი)

"და ნუ იფიქრებ, რომ შეგიძლია მიმართულება უჩვენო სიყვარულს, ხოლო სიყვარულს შეუძლია გაგიძღვეს წინ, თუკი თავისთვის მომწიფებული გიპოვა" (ხალილ ჯიბრანი)

"გული და სული ერთმანეთს უნდა შეეუღლონ, რომ შვან ჭეშმარიტი სიყვარული"(ანონიმი)

"უმჯობესია ქალისათვის, დაქორწინდეს მასზე შეყვარებულ მამაკაცზე, ვიდრე ისეთზე, რომელიც ქალს ეყვარება ცალკერძ" (ანონიმი)

"საქმე ის კი არაა, რომ არ შემიძლია ვიარსებო შენი სიყვარულის გარეშე, არამედ ის, რომ არც კი ვცდილობ ამას" (ანონიმი)

როდესაც რომელიღაც 7 წლის დედოფალა, ნოელს ჰკითხეს, თუ როგორ ფიქრობდა, რა იყო სიყვარული, უპასუხა: სიყვარული ისაა, როცა ეუბნები ბიჭუნას, რომ მოგწონს მისი მაისური, ხოლო ეს ბიჭუნა კი მას ყოველ დღე იცვამს

"სიყვარული თავად სულის ნაწილია და იგი იმავე ბუნებისაა, როგორც სამოთხის ზეციური სუნთქვა" (ვიქტორ ჰიუგო)

"თუკი ვინმე მეუბნება "მე შენ მიყვარხარ", ჩემთვის ეს იგივეა, ვინმემ იარაღი მომადოს თავზე. და სხვას რას უპასუხებთ ასეთ მდგომარეობაში, თუ არა იმას, რაც რევოლვერის მპყრობელს სურს: "მეც მიყვარხარ" (კურტ ვონეგუტი)

'ზოგიერთი ჩვენთაგანი ფიქრობს, რომ თავდაჭერილობაშია სიძლიერე, მაგრამ ზოგჯერ საკუთარი თავის მიშვებაშიც" (ჰერმან ჰესსე)

"მას, ვისაც ტკივილი არ განუცდია, ჭეშმარიტ სიყვარულს ვერ შეიგრძნობს" (ტრისტან ლოო)

"პირველი სიყვარულისას ქალს თავისი სატრფო უყვარს. ყველა დანარჩენ შემთხვევაში-თავად სიყვარული" (ჯორჯ ბაირონი)

"რაც უფრო მეტს სჯი, მით ნაკლებია სიყვარული. უჩინარი ტრფიალი ზებუნებრივია, ირაციონალური და ძალზედ მნიშვნელოვანი" (ლიზა ჰოფმანი)

"მიყვარს და, ღმერთო ჩემო, ეს ყველაზე უფრო დიდებული რამაა, რაც კი ადამიანს შეიძლება შეემთხვეს. გეუბნებით, იპოვეთ ქალი, ვისაც შეიყვარებთ. გააკეთეთ ეს. შეიყვარეთ. და თუ ეს უკვე არ ჩაგიდენიათ, ჩათვალეთ, რომ უქმად გაგყავთ თქვენი ცხოვრება" (დევიდ ჰერბერტ ლოურენსი)

"მარტოკაცი არარაა. ორი ადამიანი კი, რომელნიც ერთმანეთს ეკუთვნიან, მთელს სამყაროს ქმნიან" (ჰანს მარგოლიუსი)

"ყოველი ადამიანი შეიძლება იყოს დიადი, ყოველი საჭიროა. ამისათვის არაა აუცილებელი, გაგაჩნდეს სამეცნიერო ხარისხი. არც ისაა აუცილებელი, რომ მუდამ თანხმობაში მოდიოდე შენი მტკიცებებითა და სიტყვებით. მთავარია, მადლით გქონდეს გული გამოვსებული, სული კი-სიყვარულით" (მარტინ ლუთერ კინგი)

"სიყვარული, დამყარებული სილამაზეზე, ისევე მალე კვდება, როგორც ეს უკანასკნელი" (ჯონ დონი) ისევ და ისევ ბარათაშვილისეულ-ლაოძისეული სხვაობა სილამაზესა (გარეგანი მხარე ადამიანის) და მშვენიერებას (შინაგანი მხარე) შორის.

"არავინაა ზედმეტად პატარა სიყვარულისათვის, რადგანაც სიყვარული გონებიდან კი არ გამომდინარეობს, რომელმაც იცის ასაკი, არამედ გულიდან, რომლისთვისაც არ არსებობს წლოვანება" (ანონიმი)

"სიყვარული სანელებელივითაა: მას შეუძლია უფრო გემრიელი გახადოს ცხოვრება, მაგრამ ასევე შეუძლია მოშხამოს იგი" (კონფუცი)

"სიყვარული ისეთივე ხელოვნებაა, როგორც მუსიკა" (პიერ ლუისი)

"სიყვარული ყვავილია, რომლის ნეკტარიცაა სიყვარული" (ვიქტორ ჰიუგო)

"უსიყვარულო და შეყვარებულ ადამიანს შორის ზუსტად ის სხვაობაა, როგორც ჩამქრალ და ანთებულ ნათურას შორის" (ვინსენტ ვან გოგი)

"მშვენიერი მაშინ ხარ, როდესაც ანიჭებ მეგობრებს კუთვნილ სივრცეს, როდესაც გწამს, იღიმები, ან გრძნობები ცრემლებად გეძალებიან, როდესაც ძლევ ამ ყველაფერს, როცა საუბრობ შენი ოცნებების შესახებ, როდესაც ეხმარები ადამიანებს, როცა მართალ საქმეს სჩადიხარ მაშინაც კი, თუკი იგი სხვას მცდარად ეჩვენება... როცა გიყვარს." (ანონიმი)

"სიყვარული იმასაც შეგაძლებინებს, რომელიც ადრე შეუძლებლად გეჩვენებოდა" (ფილ კოლინზი)

"სადაც სიყვარულია, იქ მანძილი არ არსებობს" (მატა ამრიტანანდამაი)

"სიყვარული ჭეშმარიტებას ჰგავს: ზოგჯერ ზეიმობს, ზოგჯერ კი გტკენს" (ვიქტორ გარსია)

"მიმტევებლობა სიყვარულის უზენაესი საფეხურია" (რეინჰოლდ ნიბური)

"სიყვარული ბრმა კი არაა, არამედ განახებს იმას, რასაც სხვები ვერ ხედავენ" (ანონიმი)

"რჩეულს შეიძლება სამყაროს ყველა საგანძური მიუძღვნა, მაგრამ მარადიული სულიერი მეგობარი მხოლოდ იმ ერთ სიტყვას ამჯობინებს" (ჟაკ პიერ რიბო)

"ბრძნულად შეუნიშნავთ, რომ არ შეგვიყვარდება ის ადამიანი, რომელზედაც ერთჯერ მაინც არ გაგვცინებია" (აგნეს რეპლიე)

"თუკი საგანს უყვარს, იგი უსასრულოა" (უილიამ ბლეიკი)

"შეყვარებულნი სადღაც კი არ ხვდებიან ერთმანეთს, არამედ მუდამ ერთმანეთში ცხოვრობენ" (ჯელალედდინ რუმი)

"სიყვარულმა თქვა: დაწექ და იფიქრე ჩემზე. ძილმა თქვა: დახუჭე თვალები დღის ბოლომდე, მაგრამ აი, მოვიდა ოცნება და ღიმილით ორივეს თავისი გზა გაუკვალა" (სარა თისდეილი)

"თუკი მაიძულებ გითხრა, თუ რატომ მიყვარდა იგი, ვერაფერს გიპასუხებ გარდა იმისა, რომ იგი იყო იგი და მე-მე" (მიშელ მონტენი)

"ეჭვიანობა სენია, სიყვარული კი-ჯანსაღი მდგომარეობა. უმწიფარი გონება მათ ხშირად ერთმანეთში ურევს, ან ფიქრობს, რომ რაც უფრო ეჭვიანია ადამიანი, მით უფრო მეტად უყვარს-არადა, ერთიც და მეორეც ურთიერთშეუსაბამოა; სადაც პირველია, იქ მეორე ქრება" (რობერტ ჰეინლაინი)

"სიყვარული ისაა, როდესაც შენი ოცნების ქალი რეალობა ხდება, ხოლო ძილი კი კარგავს უპირატესობას" (ანონიმი)

"სიყვარული ისაა, როდესაც საყვარელი ადამიანის გასაბედნიერებლად ბაგეების შერხევაც კი არ გჭირდება, რადგან მაშინ გული გიცემს... და ესაა ყველაზე მნიშვნელოვანი..." (კეიტლინ როჯერსი)

"სიყვარული გარეულ ვარდსა ჰგავს, მშენიერსა და მშვიდს, რომელზე მზრუნველობაც გულის სისხლის დათხევას მოითხოვს" (მარკ ოვერბაი)

"სიყვარული მამაკაცის ცხოვრების ნაწილია მაშინ, როდესაც ქალისათვის იგი მთელს არსებობას წარმოადგენს" (ბაირონი)

"სიყვარული ისაა, როდესაც შენი ოცნების ქალი რეალობა ხდება, ხოლო ძილი კი კარგავს უპირატესობას" (ანონიმი)

"სიყვარული ისაა, როდესაც საყვარელი ადამიანის გასაბედნიერებლად ბაგეების შერხევაც კი არ გჭირდება, რადგან მაშინ გული გიცემს... და ესაა ყველაზე მნიშვნელოვანი..." (კეიტლინ როჯერსი)

"სიყვარული გარეულ ვარდსა ჰგავს, მშენიერსა და მშვიდს, რომელზე მზრუნველობაც გულის სისხლის დათხევას მოითხოვს" (მარკ ოვერბაი)

"დაე, გიყვარდეს მანამ, სანამ ცოცხლობ და იცოცხლე მანამ, სანამ გიყვარს" (რობერტ ჰეინლაინი)

"მშვიდობა სიყვარულის გამოხატულებაა. მოდი, გვიყვარდეს" (ანონიმი)

"სიყვარული ორ სხეულში ბინადარი ერთი სულია" (არისტოტელე)

"სიყვარული საჩუქარია და არა ვალდებულება. მიჰყევი შენს გულს და გწამდეს მუდამ საყვარელი ადამიანის" (ანონიმი)

"სიყვარული ღიმილით იწყება, კოცნით იზრდება და ცრემლით სრულდება" (ანონიმი)

"ერთადერთი სიყვარულს ძალუძს გაავსოს და გააერთიანოს ადამიანები, ერთადერთი იგია, რომელიც აერთიანებს ადამიანებში არსებულ ყველაზე უფრო ღრმას" (პიერ ტეიარ დე შარდენი)

"სიყვარული არ იკარგება. ცალმხრივიც რომ იყოს, იგი გულსვე უბრუნდება, ამსუბუქებს და წმენდს მას" (ვაშინგტონ ირვინგი)

"სიშორე ამძაფრებს სიყვარულს, სიახლოვე ამტკიცებს მას" (თომას ფალერი)

"მამაკაცს ხედვით უყვარდება, ქალს-სმენით" (ტოლსტოი)

"ბედნიერი მამაკაცი იმ ქალზე ქორწინდება, რომელიც უყვარს; უფრო ბედნიერ მამაკაცს კი უყვარს ის ქალი, რომელზედაც ქორწინდება" (ანონიმი)

"სადაც სიყვარულია, იქ სიცოცხლეა" (მაჰათმა განდი)

"სიძულვილი დამბლადაცემულს ქმნის სიცოცხლეს; სიყვარული ათავისუფლებს მას. სიძულვილი რევს სიცოცხლეს; სიყვარული ჰარმონიულს ხდის მას. სიძულვილი აბნელებს სიცოცხლეს; სიყვარული ანათლებს მას" (მარტინ ლუთერ კინგი)

"სიყვარული სიშლეგეა. თუკი გაგერია, მსწრაფლად ვითარდება" (მარკ ტვენი)

"ნუ ეძიებ სიყვარულს, დაე, ნება მიეცი, თავად მოგძებნოს. იმადაც ჰქვია სიყვარულს შეყვარება, რომ კი არ აძალებ საკუთარ თავს, არამედ უბრალოდ, გიყვარდება" (ანონიმი)

"სიყვარული საკუთარი თავის მოყვასში პოვნაა და ამ აღმოჩენის ზეიმი" (ალექსანდერ სმიზი).

"სიყვარული შენდობის უსასრულო ქცევაა, ჩვევადქცეული სანდომიანი გამოხედვა" (პეტერ უსტინოვი)

"ხორციელი სნეულებების წამლობა მალამოებით შეგვიძლია, მაგრამ მარტოსულობა, სასოწარკვეთა და უიმედობა ოდენ სიყვარულით იკურნება. ქვეყნად მრავალია ისეთი ადამიანი, რომელიც იღუპება ერთი ნაჭერი პურის უქონლობის გამო, მაგრამ გაცილებით უფრო მეტია ის, ვისაც სიყვარულის ნაკლებობა კლავს" (დედა ტერეზა)

"სიყვარული მარადიული დენაა მკვებავი, ზრდადი და დამცავი ენერგიის. მისი მარადიული მიზანი სიცოცხლეა" (სმაილეი ბლენტონი)

"სიყვარული ისეთივე უპრობლემოა, როგორც მანქანა. ერთადერთ პრობლემას წარმოადგენს მძღოლი, მგზავრები და გზა" (ფრანც კაფკა)

"შეყვარებულთა დრო მარადისობაა" (ჰენრი ვან დიკი)

"არ აქვს მნიშვნელობა, თუ რამდენად დიდია წინააღმდეგობა. ჭეშმარიტი სიყვარული ყველაფერს დაგაძლევინებს" (ანონიმი)

"მიყვარხარ არა ოდენ იმიტომ, თუ როგორი ხარ, არამედ იმადაც, თუ როგორი ვარ შენთან ერთად" (ელიზაბეტ ბარეტ ბროუნინგი)

"არაა ცუდი, როდესაც გიყვარს მეფე, მაგრამ უკეთესია, როდესაც თვითონ მეფეს უყვარხარ" (ანონიმი)

"ბედნიერია ის მამაკაცი, რომელიც ქალის პირველი სიყვარულია, მაგრამ უფრო ბედნიერია ის ქალი, რომელიც მამაკაცის უკანასკნელი სიყვარულია" (ანონიმი)

"სიყვარული სამოთხის ალის მიღებაა" (კარენ სანდე)

"ტკბილია სიყვარულის მიერ თქმული, უფრო ტკბილი-მისი ფიქრები: მაგრამ უტკბილესია ის, რასაც სიყვარული არ ამბობს და არ ფიქრობს" (რიჩარდ გარნეტი)

"სიყვარული თავშეუკავებელი სურვილის თავშეუკავებელი სურვილია" (ლუი გინსბურგი)

"თუკი ღალატობ ვინმეს, ესე იგი, კარგავ ცხოვრების ერთ-ერთ უდიდეს საგანძურს-თვისებას, რომ გენდონ, რამეთუ ნდობის გარეშე შეუძებელია სიყვარული" (ოშო)

"სიყვარული არ ბატონობს; იგი აკეთილშობილებს" (გოეთე)

"ცხოვრების უდიდესი ბედნიერებაა იმის გაცნობიერება, რომ ვუყვარვართ-რომ ვუყვარვართ ისეთები, როგორიც ვართ, ან უკეთ რომ ვთქვათ, იმის მიუხედავად, თუ როგორები ვართ" (ვიქტორ ჰიუგო)

"სიყვარული სიტყვაა, რომლის ყველაზე დიდ მნიშვნელობასაც მისი გამაერთებელი ძალა განაპირობებს" (რელიგიური სიმბოლოებით დახუნძლული ფილმიდან "მატრიცა")

"არაფერია აგრესიულ უვიცობაზე უარესი" (გოეთე)

"სიყვარულის საიდუმლო სიკვდილისაზე უფრო დიდია" (ჯეკი ლევენი)

"თუ იცი, რას ნიშნავს, მოდიოდე ღამით სახლში მამაკაცთან, რომელიც ცოტაოდენი სიყვარულით, სითბო და სიტკბოთი გიპასუხებს? ეს ნიშნავს, რომ შემცდარხარ სახლის არჩევანში. აი, რას ნიშნავს ეს" (ჯორჯ ბარნსი)

"ჩადევი შენი ხელი ჩემსაში და ბაბუაწვერასავით გაგვიმრავლდება ეს სიყვარული" (ტობი მაკი)

"სიტყვიერი სიკეთე ნდობას ბადებს. აზროვნებითი-სიღრმეს. ხოლო ის, რომელიც გასცემს-სიყვარულს" (ლაო-ძი)

"სიყვარული ყველაფერს მოითხოვს და აქვს კიდეც ამის უფლება" (ბეთჰოვენი)

"შეგიძლია გასცე სიყვარულის გარეშე, მაგრამ შეუძლებელია გიყვარდეს და არ გასცე" (ემი კერმაიკლი)

"სიყვარული გახსენებს იმას, რომ მეტი სხვა არაფერი ხდება" (ემი ბაშელი)

"ძველი "მე"-დან თავდასაღწევად ქალის თვალთა სარკეში უნდა დაინახო საკუთარი თავი" (კლარ ლუსი)

"სიყვარული მსხვერპლის მტაცებლისადმი პასუხია" (თი-გრეის ეტკინსონი)

"მე შენ მიყვარხარ იმის მიუხედავად, თუ როგორ, როდის, ან საიდან. მე შენ ალალად მიყვარხარ ყოველგვარი კომპლექსისა, თუ ამპარტავნების გარეშე. ამად, მე შენ მიყვარხარ იმიტომ, რომ მეტი არ ვიცი, როგორ მიყვარდე" (პაბლო ნერუდა)

"სიყვარული ტელესკოპით იყურება, შური კი-მიკროსკოპით" (ჯოშ ბილინგსი)

"ან უნდა გვიყვარდეს ერთმანეთი, ან უნდა მოვკვდეთ" (ვისტან ოდენი)

"სიყვარულის ენით ყველა საუბრობს, მაგრამ მხოლოდ გულს ესმის იგი" (შირლეი რინდანი)

"დროთა განმავლობაში მამაკაცს უყვარდება ის ქალი, რომელიც მოსწონს, და ქალს უფრო და უფრო მოსწონს ის მამაკაცი, რომელიც უყვარს" (ჯენიფერ უილინსონი)

"მხდალ ადამიანს არ ძალუძს სიყვარულის გამოსახვა. იგი მამაცთა ხვედრია" (მაჰათმა განდი)

"შენმა ნაწილმა ჩემში იხარა. და როგორც ხედავ, ეს მე და შენ ვართ მარადის ერთად; და აროდეს ცალკე, შეიძლება მანძილით კი, მაგრამ არა გულით" (ანონიმი)

"სიყვარული. არავის ძალუძს მისი მიმართულების ცვლა-არც ძალით და არც სიყვარულით" (ჯეიმს სტეფენ ქეთკარტი)

"კეთილგონიერების გარეშე არ არსებობს შეყვარებული" (თომას ჰარდი)

"სული სულს სატრფოს ბაგეზე ერწყმის" (პერსი ბისი შელი)

"ოდეს სიყვარული და ხელოვნება თანამოღვაწეობენ, ელოდეთ შედევრს" (ჯონ რასკინი)

"ერთადერთი, რაც ჩვენგან რჩება, სიყვარულია" (ფილიპ ლარკინი)

"სიყვარული ერთადერთია, რომელსაც იღებ იმაზე მეტს, ვიდრე გასცემ" (ტომ უილსონი)

"სიყვარული-უაღრესად გაუგებარია მიუხედავად გულის უკიდურესი ცუდად ცემისა, რომელიც გონებას ასუსტებს, თვალებს ნაპერწკლებს აყრევინებს, ღაწვებს აღაჟღაჟებს, წნევას ზრდის და ტუჩებს ღრიცავს" (ანონიმი)

"თუ შენ გაგაჩნია იგი, სხვა არაფერი გჭირდება, ხოლო თუ არ გაგაჩნია იგი, მაშინ არაფერ სხვას არ აქვს მნიშვნელობა" (ჯეიმს ბერი)

"სიყვარული ბედნიერების კარიბჭის უმთავრესი გასაღებია" (ოლივერ ჰოლმსი)

"არაფერია იმაზე უფრო გასაოცარი, ვიდრე ის, თუ როგორ სრულყოფილად ისახება და რჩება მამაკაცის გონებაში საყვარელი ქალის სახე და ბუნება და იმგვარად, რომ ვერასოდეს გეტყვით, თუ რატომ. თითქოს, ეს მისი ყველაზე სასურველი რამაა" (რობერტ ლუის სტივენსონი)

"სიყვარულს ფრთები სჭირდება, რათა გაუფრინდეს სიყვარულს და კვლავ დაუბრუნდეს მას" (ედვინ რობინსონი)

"სიყვარული საუკეთესი საჩუქარია, როცა გვენაწილდება" (ანონიმი)

"სიყვარული გულის აღფრთოვანებაა" (თეოფილ გოტიე)

"ჩემი გონება მეუბნება, რომ დაგანებო თავი, მაგრამ გული არ მიშვება" (ჯენიფერ ტაილერი)

"ჩვენ თვისებები კი არ გვიყვარდება, არამედ-ადამიანები; ზოგჯერ მათი ნაკლოვანებების, თუ ღირსებების გამო" (მარიტენი)

"სიყვარული გრძნობებში განსახიერებული უბრალოებაა, აღუვსებელი სურვილი, რომელიც მოულოდნელად გვეწვევა უზენაესი სინატიფითა და გზნებით" (ლუენ დაო)

"სიყვარული დანაღმული ველია. გადადგამ ნაბიჯს და ნაკუწ-ნაკუწებად ფეთქდები, უკან იხევ და სულელურად კიდევ ერთ ნაბიჯს დგამ. ვფიქრობ, ასეთია ადამიანის ბუნებაც. იმდენად მტკივნეულია მარტოსულობა, რომ კენტად ყოფნას თავის აფეთქებას ვარჩევთ ხოლმე" (ფამკე იანსენი)

"ცხოვრების ყოველგვარი სიმძიმილისა და ტკივილისაგან ერთადერთი სიტყვა გვათავისუფლებს; და ეს სიტყვა სიყვარულია" (სოფოკლე)

"ჭეშმარიტი სიყვარული საკუთარი თავის მუდამ განვრცობაა" (სკოტ პეკი)

"ოცნებებსა და სიყვარულში არ არსებობს შეუძლებელი: (იანოს არანი)

"მოსიყვარულე გული მუდამ ახალგაზრდაა" (ბერძნული ანდაზა)

"მისმა ნაკოცნმა ტუჩებმა უფრო მეტი თქვეს, ვიდრე მისმა ლუღლუღმა" (მარგარეტ მიტჩელი)

"გულიდან გაცემული არ იკარგება, არამედ სხვათა გულებში ინახება" (რობინ ჯონი)

"სიყვარული სამოთხის დარია, მაგრამ ჯოჯოხეთივით ტკივილის მოყენება შეუძლია" (ანონიმი)

"სიყვარული სხვათა შეგრძნებების განცდაა, თუნდაც ისინი შორს იმყოფებოდნენ" (ბარაკი)

"სიყვარულის სხვა წამალი არ არსებობს, თუ არ უფრო მეტი სიყვარული" (ანრი დავიდ თორო°

"ოდენ სიხარულია სიყვარულის ის ბადე, რომლითაც ადამიანთა სულებს მოითევზავებ" (დედა ტერეზა)

"მხოლოდ ისა მსურს, რომ სიყვარულის შადრევანი ვიყო, საიდან დალეული თითოეული წვეთიც კი მარადიულ გრძნობებს მოგანიჭებს" (ანონიმი)

"თუკი მათი ღიმილი გულს ათბობს, ჩაკონება გამშვიდებს და კოცნა ცხრილავს ადამიანთადმი ჩადენილ ყველა ცოდვას, მაშინ გაიგებ ჭეშმარიტი სიყვარულის აღმოჩენას" (ანონიმი)

"მეგობრობა სიყვარულია მისი ფრთების გარეშე" (ბაირონი)

"უკეთესია გაუტეხო ვინმეს გული, ვიდრე საერთოდ არაფერი" (მარგარეტ კენედი)

"ჭეშმარიტი სიყვარული ასაკოვან ღვინოსა ჰგავს. რაც უფრო ხნიერია, მით უკეთესი" (ფრედ იაკობი)

"სიყვარული ყველაზე ახლოს მაშინაა, როდესაც ქრება "აქ" და "ახლა" (თომას ელიოტი)

"სიყვარული ერთადერთი გზაა, რათა შეაძლებინო ადამიანს საკუთარი პიროვნების გულისგულში მოხვედრა" (ვიქტორი)

"გიყვარდეს, ნიშნავს, გაიაზრო, სიყვარულის საგნის დაკარგვის შესაძლებლობა" (ჩესტერტონი)

"მოყვასის სიყვარული ღვთის სახის დანახვას ნიშნავს" (მუზიკლიდან "საბრალონი)

სიყვარული ის მდგომარეობაა, როდესაც სხვისი ბედნიერება შენსაზე უფრო მნიშვნელოვანია" (რობერტ ჰეინლაინი)

"თუკი ხნიერი მამაკაცი ახალგაზრდა ქალზე ქორწინდება, ახალგაზრდავდება თვითონ, მაგრამ აბერებს ქალს" (ხალხური)

"სიყვარული პეპელასავითაა: მაშინ ჩამოგაჯდება, როდესაც არც კი მოელი" (ანონიმი)

"სიკვდილზე უფრო ძლიერი გონება კი არა, სიყვარულია" (თომას მანი)

"შენი სიყვარულის საგანი ხარ და არა ის, რასაც უყვარხარ" (ფილმიდან "ადაპტაცია")

"სიყვარულის სინამდვილე სამყაროული ჭეშმარიტებაა: იგი სულის ნათურაა, რომელიც ცხადქმნის სიბნელის იდუმალებას" (ქაბირი)

"სიყვარული ისაა, როდესაც იყურები ვიღაცის თვალებში, უფრო და უფრო უღრმავდები მის სულს შინაგანად და უცებ... ორთავე ერთი და იგივეს იგებთ" (ანჯელა ჩეისი)

"ყველაზე უფრო ძვირფასი უფლობა, რომელიც მამაკაცს უწევს ამ ცხოვრებაში, ქალის გულია" (იოსია ჰოლანდი)

"ზოგჯერ სიყვარული უარყოფილია, ზოგჯერ დაკარგული, ზოგჯერ ვერმიხვედრილი, მაგრამ საბოლოოდ იგი აროდესაა დასანანი, ღირსება ემატება და საგანძურდება" (ანონიმი)

"როდესაც სიყვარულის გოდოლი ძალაუფლებისას სძლევს, მსოფლიო საბოლოოდ შეიცნობს მშვიდობას" (ჯიმი ჰენდრიქსი)

"საყვარელი ქალის ხელს ამბორი უფრო ამშვენებს, ვიდრე ნებისმიერი ძვირფასი თვალი, თუ სამკაული" (ანონიმი)

"სიყვარული იმედით ცოცხლობს და მისი სიკვდილით კვდება; იგი ალია, რომელიც გაქრება, თუკი არ შეავსე" (პიერ კორნეილი)

"სიყვარულის შეგნება და შეყვარება სიცოცხლეს იმ სითბოსა და სიმდიდრეს ანიჭებს, რომელსაც ვერაფერი სხვა" (ოსკარ უაილდი)

"სიყვარული ერთმანეთის თვალებში ციცინს კი არ ნიშნავს, არამედ საერთო ხედვის ქონას" (ანტუან დე სენტ-ეგზიუპერი)

"სიფრთხილის ყველა ფორმას შორის სიყვარულისადმი სიფრთხილეა ალბათ ყველაზე ფატალური ბედნიერებასთან მიმართებაში" (ბერტრან რასელი)

"ჭეშმარიტ სიყვარულს ვერ იპოვნი იქ, სადაც იგი არაა ისევე, როგორც ვერ დამალავ იქ, სადაც იგი არსებობს" (ანონიმი)

"სიყვარულის არითმეტიკაში ერთს პლიუს ერთი ყველაფრის ტოლია და ორს გამოკლებული ერთი-არაფრის" (მინიონ მაკლოლინი)

"თუკი გახსნი შენს გულს, სიყვარული გონებას გაგიხსნის" (ჩარლზ ჯონ კუარტო)

"სიყვარულის საპირისპირო სიძულვილი კი არა, გულგრილობაა" (ელი ვიზელი)

"იგი მაგროვებს, იმ ნაწილებს, რომელთაც წარმოვადგენ. იგი კრებს ყველას და დალაგებულად მიბრუნებს უკან" (ტონი მორისონი)

"ვფიქრობ, ცხოვრების უმშვენიერეს მოვლენას ისეთ ადამიანთან შეხვედრა წარმოადგენს, რომელთან ურთიერთობაც დროთა გამნავლობაში აღრმავებს მზიურობის სიღრმეს, სილამაზესა და სიხარულს. ორ ადამიანს შორის სიყვარულის შინაგანი ზრდა ყველაზე გასაოცარი რამაა, იგი არ შეიძლება ნაპოვნი იქნეს ძიებით, ან ძალუმი სურვილით. ის განგებისმიერი შემთხვევაა" (ჰიუგ ვალპოე)

"რომანტიკა ელეგანტურად იქნა განსაზღვრული, როგორც ფიქციისა და სიყვარულის შვილი" (ბენჯამინ დიზრაელი)

"ეს სამყარო მშვენიერებითაა სავსე ისევე, როგორც ზეციური სამყაროები და თუკი შევასრულებთ ჩვენ-ჩვენ მოვალეობას, მაშინ იგი სიყვარულითსავსე გახდება" (ჯერალდ მასეი)

"რა არის ქვეყნიერება მთელი თავისი ხელოვნებით, ლექსებით, მუსიკითა და სიმდიდრით ნაპოვნ, მიღწეულ და მოვლილ სიყვარულთან შედარებით?" (რობერტ ბრაუნინგი)

"ადამიანის დუმილი მშვენიერია მოსასმენად" (თომას ჰარდი)

"არაფერია იმაზე უფრო მნიშვნელოვანი ამქვეყნად, ვიდრე იცოდე, რომ მართალი ხარ და ქვეყნიერების ტალღა-მცდარი, თუნდაც, ამ ტალღას შენი წალეკვა სურდეს" (ნორმან მაილერი)

"გიყვარდეს, ნიშნავს მიანიჭო სხვას შენდამი ტკივილის მოყენების ძალა, მაგრამ

"არავინაა სრულყოფილი მანამ, სანამ არ შეიყვარებ" (ანონიმი)

"დადგება დრო, როდესაც თქვენი თვალები ერთმანეთს შეხვდებიან და ყოველივე კვლავ უბრალო გახდება ამ ქვეყნად" (მაიკლ ედვარდსი)

"გულმა გაიღიმა, როდესაც ბაგეებზე მაკოცე. რა ტკბილი საოცრებაა" (ჯეინ არდენი)

"ჩემი შენდამი სიყვარული მოგზაურობაა, რომელიც მარადიულობაში იწყება და არ მთავრდება" (ანონიმი)

"ჭეშმარიტი სიყვარული იშვიათია, ამად, როდესაც შეხვდები მას, ნუ გაუშვებ იმ მიზეზით, თუკი ვერ ძლევ ამა თუ იმ სირთულეს" (რეი ვოლი)

"სიყვარული ქვიშის საათივითაა, როცა სული ივსება, გონება ცარიელდება" (ჟიულ რენარი)

"სიყვარულის პირველი მოვალეობა მოსმენაა" (პაულ ტილიხი)

"ყოველი სნეულება, რაც კი ჩვენშია, შიშისაგან იბადება, ხოლო ყველანაირი სიკეთე-სიყვარულისაგან" (ელეანორ ფერჯეონი)

"წლიდან წლამდე ვიცვლებით. ასევე, ისინიც, ვინც გვიყვარს. ბედნიერება კი ისაა, როდესაც ამ ცვლაში ვაგრძელებთ ცვლადი ადამიანის სიყვარულს" (სომერსეტ მოემი)

"სიყვარული უდიდესი სიამოვნებაა" (უილიამ ტემპლი)

"ვერასოდეს შეიცნობ ჭეშმარიტ ბედნიერებას, სანამ ნამდვილად არ შეგიყვარდება და ვერასოდეს გაიგებ ნამდვილ ტკივილს, სანამ არ დაკარგავ მას" (ანონიმი)

"ყველაზე ცხელი სიყვარულს ყველაზე ცივი დასასრული აქვს" (სოკრატე)

"თუკი უარვჰყოფთ ბოძებულ სიყვარულს, თუკი ვიუარებთ სიყვარულის გაცემას მისი დაკარგვისაგან გამოწვეული ტკივილის შიშით, დაგვიცარიელდება ჩვენი ცხოვრება, ხოლო დანაკარგი კიდევ უფრო დიდი იქნება" (მარგარეტ ვაისი და ტრეისი ჰიკმანი)

"ბედნიერებით სავსე გული სიყვარულით გავარვარებული გულის შედეგია" (დედა ტერეზა)

"გიყვარდეს ყველა, მიენდე მცირეს, არ მიაყენო ზიანი ვინმეს" (შექსპირი)

"სიყვარულის ტკივილია ტკბილი" (პერსი ბიში შელი)

"სიყვარული ერთი ქალის მეორისაგან განსხვავებაზე წარმოდგენის იმედგაცრუებაა" (მენკენი)

"სრულყოფილი დასასრული მინდოდა. ახლა კი ვისწავლე რთული გზა, რომ ზოგიერთი ლექსი ურითმოა და რომ ზოგიერთ თავგადასავალი-გასაგები დასაწყისის, შუალედისა და დასასრულის გარეშე. ცხოვრება ცვლილებათა არცოდნაა, წინასწარცოდნის გარეშე აწმყოს მიღება და მისგან საუკეთესოს შექმნა. უტკბილესი ამბივალენტურობა" (ჯილდა რადნერი)

ნიკოლაი ბერდიაევი-რევოლუცია ცოდვების გამოსყიდვაა

რუსი ფილოსოფოსის, ნ. ბერდიაევის (1874-1948 წ.წ.) მოცემული წერილი აღმოჩენილ იქნა ბრიტანეთის მუზეუმის ხელნაწერთა განყოფილებაში. ადრესატს კი რუსეთის საზოგადოებრივი მოძრაობის ნობილი მოღვაწე ა. ტირკოვა წარმოადგენდა. იგი შედიოდა კადეტური პარტიის ხელმძღვანელობის შემადგენლობაში. 1917 წლის ოქტომბრის შემდეგ აქტიურად მოღვაწეობდა ანტიბოლშევიკური წინააღმდეგობის ორგანიზებაში. იზგოევთან ერთად გამოსცემდა არალეგალურ გაზეთს “ბრძოლა”, მუშაობდა დობროვოლსკის არმიის პროპაგანდულ ორგანოებში. ქმართან ერთად გადავიდა რა ლონდონში, დიდი როლი ითამაშა “რუსეთის გამათავისუფლებელი კომიტეტის” დაარსებასა და თეთრების მოძრაობის პროპაგანდაში, შემდგომ კი რუსი ლტოლვილების დასავლეთში მოწყობაში. ბევრი გააკეთა იმისათვის, რათა მათთვის საერთაშორისო ორგანიზაციების, მთავრობებისა და საზოგადოების ყურადღება მიექცია. დახმარების ხელს უწვდიდა უცხოეთში მყოფ რუსული კულტურის მოღვაწეებს.

---------------------------------------------------------------------------------

ძვირფასო არიადნა ვლადიმიროვნა!

თქვენმა წერილმა არცთუ იოლი ამოცანის წინაშე დამაყენა. უპირველეს ყოვლისა, მინდა გითხრათ, რომ საზღვარგარეთ მყოფი, ჩემს მოვალეობად ვთვლი შეძლებისდაგვარად გადავიტანო რუსთა ყურადღება პოლიტიკითა და სხვა და სხვა პოლიტიკურ დაჯგუფებათა ურთიერთშორის წვრილმანი ბრძოლებით უკიდურესი გატაცებისაგან და მივაქციო სულიერი ცხოვრებისა და სულიერი ინტერესებისაკენ. რუსეთსიც და მსოფლიოშიც უნდა დაიწყოს მოძრაობა იზმირის სიღრმეებისაკენ. უდიდეს კატასტროფებს, ომებსა და რევოლუციებს უნდა მოჰყვეს სულიერი აღორძინება და უძრაობა. ვფიქრობ, არა მარტო რუსეთი, არამედ ევროპაც და მთელი მსოფლიოა შეპყრობილი მძიმე სულიერი მდგომარეობით, სისხლიანი განხეთქილებისა და ურთიერთის სიძულვილის სენით. მეტად ღრმად შეტოპეს ცხოვრების ჭეშმარიტი საფუძვლებისაგან დაშორებით და ანტიქრისტიანული საწყისების გამარჯვებით. მე მწამს ევროპის სიჯანსაღისა და გამძლეობის და ევროპის ერებისაგან არ მოველი ჩვენს რუსეთისადმი ტკივილებისაგან განკურნებას.

თქვენი შეკითხვა საბჭოთა ხელისუფლების აღიარების საჭიროების შესახებ არაა რთული. მე არ შემიძლია პირდაპირი და უბრალო პასუხის მოცემა. ჩვენ არა გვმართებს, უცხოელ სახელმწიფოებს ვურჩიოთ, აღიარებენ თუ არა ბოლშევიკების ხელისუფლებას. ეს მათი საქმეა და იგი განისაზღვრება მათი ინტერესების შესაბამისად. არ მჯერა, რომ საზღვარგარეთის დიდ სახელმწიფოებს შორის მოიძებნებიან რუსეთის უანგარო მეგობრები. და თქვენი წერილის საპასუხოდ მინდა მხოლოდ მოგახსენოთ ჩემი მოსაზრება საქმის ნამდვილი არსის შესახებ. შესაძლებელია, რომ აქედან უკვე თქვენ თვითონ გამოიტანთ იმ დასკვნებს, რომელნიც საინტერესოდ მოგეჩვენებათ.

უპირველეს ყოვლისა, სასურველია ბოლშევიზმსა და ბოლშევიკურ რევოლუციაზე პრინციპული თვალსაზრისის ჩამოყალიბება. ბოლშევიკური რევოლუცია სწორედ, რომ ნამდვილი რუსული რევოლუციაა, არავითარი სხვა რევოლუცია ჩვენთან არაა და არც შეიძლება იყოს. თავისი ბუნებით, იგი ისეთივე უსახური და ბოროტეულია, როგორც ნებისმიერი რევოლუცია. მშვენიერი და კეთილი რევოლუციები არასოდეს არსებულან და არც იქნება. საფრანგეთის რევოლუცია, რომელმაც იაკობინელობაში ჰპოვა სრული გამოხატულება, ამდენადვე უსახური და ბოროტეულია.

ბოლშევიზმი ასევე არის ერთადერთი სოციალიზმი, და ბოლშევიკები სრულიად მართალნი არიან თავიანთი უკმაყოფილო დამოკიდებულებით მემარჯვენე სოციალისტებთან, მენშევიკებთან და სოციალ-რევოლუციონერებთა მიმართებაში. რუსმა ხალმა საკუთარი თავი მსვერპლად გაიღო, რათა მთელი მსოფლიოსათვის წარმოედგინა, თუ როგორ მიდის სოციალიზმი უსახური კარიკატურობისაკენ, წკვარამისა და არარსობისაკენ. ბოლშევიზმს არ შეიძლება, მიუდგე გარეგნულად და მექანიკურად და ამიტომაც, არ შეიძლება, იწამო მისი გაძევების გარეგანი და მექანიკური მეთოდი. ბოლშევიზმი სულიერი მოვლენაა და სულიერი სენია. ეს ავადმყოფობა ცხენოსანთა დივიზიით არ განიკურნება. იგი არაა შეთხვევითი, რუსთა და რუსეთისათვის გარეგნული მოვლენა, რომლისგანაც რუსი ხალხი და რუსეთი უნდა გათავისუფლდეს, როგორც ავაზაკთა რაზმისაგან. ბოლშევიზმი რუსების შინაგანი წერაა, მისი ისტორიული გზის საბედისწერო ეტაპი. და ის, რომ ებრაელები ასეთ საბედისწერო როლს თამაშობენ ბოლშევიკთა მწყობრში, არის რუსი ხალხის შინაგანი ბედი, მისი სულიერი დამონების აღმოსაფხვრელად.

ჩვენ ყველანი დამნაშავენი ვართ რუსეთის უბედურ ხვედრში, ჩვენ ყველანი პასუხისმგებელნი ვართ მომხდარი კატასტროფისათვის. მუდამ შეუცვლელად ვფიქრობდი, რომ უნდა დავრჩენილიყავი რუსეთში და გამეზიარებინა ჩემი ხალხის ბედი, რომ ბოლომდე გადამეტანა ყველა განსაცდელი, ვყოფილიყავი ჩემი იდეისა და რწმენის ერთგული. რევოლუცია ცოდვების გამოსყიდვაა, იგი შედეგია და არა მიზეზი, იგი არის ჩვენი შინაგანი სისუსტისა და ცოდვიანობის გამოხატულება. ბოლშევიზმის ძალა მდგომარეობს რუსი ხალხის შინაგან ხრწნაში და მას ხელს უწყობს ევროპის ერთა დაცემა და განხეთქილება. უღირსობაა, თავისუფალმა სულმა თავისი ბედი განიხილოს მასზე მოძალადე ბნელი ძალის დაქვემდებარებაში. საქებარია, ეს ბნელი ძალა განიხილოს, როგორც ჩემი სისუსტისა და ცოდვის განსახიერება. არ იყო საკადრისი, როდესაც რუსული ინტელიგენცია “თვითმპყრობელობას” მიიჩნევდა ყველაფერში დამნაშავედ და მხოლოდ მისი ტახტიდან ჩამოგდებით მოელოდა უკეთეს ცხოვრებას. ასევე, უკადრისია, ყველაფერში დამნაშავედ “ბოლშევიზმი” მივიჩნიოთ და მხოლოდ მისი დამხობით მოველოდეთ ცხოვრების გაუმჯობესებას. ეს სულის მონობაა.

”თვითმპყრობელობაც” და “ბოლშევიზმიც”-ეს მხოლოდ სუსტი და სნეული სულის კოშმარია. რევოლუციურ, ანუ ცხოვრებისადმი ზედაპირულ მიდგომას უნდა დავუპირისპიროთ რელიგიური, ანუ შინაგანი (სიღრმისეული) თვალთახედვა. მაგრამ ისინი, რომელნიც ფიქრობენ, რომ ბოლშევიზმის პრობლემა შეიძლება გადაწყვეტილ იქნეს გარეგნულ-მექანიკური სახით, დგანან რევოლუციურ ე.ი. ანტირელიგიურ თვალსაზრისზე. აი, თუ რატომ ვარ გადაჭრით წინააღმდეგი ყველანაირი ინტერვენციისა და დიდი ხანია, რაც არა მწამს საბჭოთა ხელისუფლების გარეგანი ფაქტორით გამოწვეული სამხედრო ძალით დამხობის; თუნდაც, ეს რუსებმა რომ განახორციელონ. შემთხვევითი არაა, რომ მოძრაობამ წარუმატებლობა განიცადა.

რუსეთის ხსნა თვით რუსეთის შიგნიდან უნდა მოვიდეს, თვით რუსი ხალხის წიაღიდან და ამას წინ უნდა უძღოდეს რუსთა სულიერი გარდაქმნა და განახლება, სარწმუნოებრივი აღორძინება. მე მწამს, რომ რუსეთში ჯერ კიდევ წარმოებს მოლეკულარული პროცესი, რომელმაც უნდა მიიყვანოს იგი სიკვდილიდან სიცოცხლეში. რუსეთში ამჟამად არ არსებობს არანაირი ორგანიზებადი საზოგადოებრივი ძალა, რომელსაც ექნებოდა ხელისუფლების მოპოვების ნება და შესძლებდა, მიეღო ძალაუფლება. ქვეყანაში არსებული კომუნისტების ხელისუფლება, რომელსაც არანაირი კავშირი არ აქვს ზოგადსამეურნეო კომუნიზმთან, არც ხალხის სულიერ წყობასთან, წარმოადგენს რუსეთში არსებულ ერთადერთ სახელმწიფოებრივ ხელისუფლებას. და ეს ერთადერთი ხელისუფლება, თავისი იდეებითა და პრაქტიკით ანტისახელმწიფოებრივი ხასიათისა, განგების ნებით იძულებულია ატაროს მთელი რიგი სახელმწიფოებრივი ფუნქციებისა. ქვეყნის არსებობა არ შეიძლება იყოს წყვეტილი, მას არ შეუძლია შეწყვიტოს თავისი არსებობა ოთხი წლით, ან კიდევ უფრო დიდი ხნით.

ერთი რამ ჩემთვის უეჭველია: ყოველი რუსი მტკიცედ უნდა იდგეს იმ აზრზე, რომ რუსეთის ბედი მხოლოდ რუსეთის საშინაო საქმეა, რომ ჩვენი ცოდვა და ჩვენი უბედურება, უპირველეს ყოვლისა, ჩვენი შინაური საქმეა.

ზნეობრივად და რელიგიურად არასოდეს შევურიგდები კომუნიზმს, მთელს მსოფლიოშიც რომ გაიმარჯვოს. დარწმუნებული ვარ, კომუნიზმში იწყება ანტიქრისტეს მეფობა. მაგრამ ეს დგას ინტერესთა და ბატონობისათვის ბრძოლაზე მაღლა. კომუნიზმი უღმერთო ბურჟუაზული მსოფლიოს კანონიერი ნაშიერია და მასთან ერთად საერთო ნიადაგზე დგას, იგი თვითონაა ბურჟუაზული, ამ სიტყვის ღრმა გაგებით. ნორმალურს ვუწოდებ საბჭოთა ხელისუფლებისადმი იმ რუსი ადამიანის მიმართებას, რომელმაც ყველა ეს საშინელი წელი რუსეთში გაატარა, დაიცვა თავისი სულიერი თავისუფლება და იდეური დამოუკიდებლობა. აუცილებელია, საკუთარ თავს გრძნობდე რუსეთის შიგნით და არა მის გარეთ. და არ შეიძლება ჩაითვალოს, რომ რუსეთი მხოლოდ მის ფარგლებს გარეთ იმყოფება. სრულიადაც არა ვარ ოპტიმისტი, საკმაოდ პესიმისტურად ვუყურებ იმას, რაც რუსეთში მოხდება, როცა უკვე არც კომუნისტები იქნებიან და არც მათი ხელისუფლება. ჩვენ გვრჩება საშინელი დემორალიზაცია და ეროვნულ დონეზე სულიერი კულტურის არქონა. იქნება საკმაოდ დატალი, ტექნიკური ცივილიზაციის მოთხოვნილება. ტონის მომცემნი იქნებიან რევოლუციაზე გამდიდრებული უსირცხვილო და თავხედი “ბურჟუები”. ეს იმის მაჩვენებელია, რომ საქმე არა პოლიტიკურ ფორმებსა და უმრავლესობაშია, ვიწრო გაგებით, არამედ სულიერი კულტურის ძალა უმცირესობაში შენარჩუნდება. იქნება რელიგიური აღორძინება და მაშინ დადგება ნამდვილი რუსეთი! ჩვენ არ დაგვიკარგავს ცულტურა, გამოცოცხლდნენ სულიერი ურთიერთობები ევროპის ხალხებთან, მაგრამ ვისურვებდი მათი პოლიტიკური ზემოქმედებისაგან თავისუფლებას. დაე, ბოლომდე აღსრულდეს ჩვენი ბედისწერა.

7 ნოემბერი, 1922 წელი.

დედა ტერეზა-რომელია?

რომელია
ულამაზესი დღე?-დღევანდელი
უმარტივესი?-შეცდომა
უდიდესი წინააღმდეგობა?-შიში
უარესი ცდომილება?-ფარ-ხმლის დაყრა
ყველა ბოროტების მიზეზი?-ეგოიზმი
უკეთილშობილესი მომთენთველი?-შრომა
უარესი მარცხი?-დაძაბუნება
საუკეთესო მოძღვარნი?-ბავშვები...
უპირველესი მოთხოვნილება?-სხვებთან საუბარი
უდიდესი საიდუმლო?-სიკვდილი
უარესი ნაკლი?-ცუდი განწყობა
ყველაზე საშიში?-ცრუ
უმეტეს მავნე შეგრძნება?-სიძულვილი
ულამაზესი საჩუქარი?-შენდობა
რის გარეშედაც არ შეიძლება?-კერა
უმოკლესი სავალი?-მართებული გზა
უამესი შეგრძნება?-შინაგანი სიმშვიდე
უნაყოფიერესი ჟესტი?-ღიმილი.
საუკეთესო იარაღი?-ოპტიმიზმი
უდიდესი კმაყოფილება?-ვალმოხდილება
უძლიერესი ძალა?-რწმენა
უსაჭიროესი ადამიანები?-მშობლები
უმშვენიერესი?-სიყვარული...

დედა ტერეზა

Qual'è
Il giorno piu bello?...Oggi
La cosa piu facile?...Sbagliare
L'ostacolo piu grande?...La paura
Lo sbaglio peggiore?... Arrendersi
La radice di tutti i mali?...L'egoismo
La distruzione piu bella?...Il lavoro
La peggiore sconfitta?...Lo scoraggiamento
I migliori insegnanti?...I bambini
La prima necessità?...Parlare con gli altri
Il mistero piu grande?...La morte
Il peggior difetto?...Il malumore
La persona piu pericolosa?...Il bugiardo
Il sentimento piu dannoso?...Il rancore
Il regalo piu bello? Il perdono
La cosa di cui non si puo fare a meno?...La casa
La strada piu rapida?...Il cammino giusto
La sensazione piu gratificante?...La pace interiore
Il gesto piu efficace?...Il sorriso
Il migliore rimedio? L'ottimismo
La maggiore soddisfazione?...Il dovere compiuto
La forza piu potente del mondo?...La fede
Le persone piu necessarie?...I genitori
La cosa piu bella di tutte?...L'amore!

(Madre Teresa di Calcutta)

ჩეზარე პავეზე: ვეცადე, მეკოცნე და შენ მიკბინე

ვეცადე, მეკოცნე და შენ მიკბინე,
ყოველი, ყოველი დაკარგულია.
ღვთიური სამოთხის ვიყავ უფალი
შორეულ დღეებში.
ვცხოვრობდი ზღაპარში
სად სინანული, მერყევი შიში
მხდიდნენ უკეთ და უფრო მშვენიერს.
ახლა კი ყველაკაი დავკარგე.
რადგანაც მქონდა სურვილი ცოდნის,
რადგან მერმისში დაურწმუნები
შეუბრალებელ ჩემი ცოდვების
გამო წკვარამში გადავეშურე.

Cesare Pavese

ho tentato di baciarti e tu mi hai morso,
tutto tutto è perduto.
Possedevo un divino paradiso
in quei giorni lontani.
Vivevo in un altro sogno
che i timori malcerti
di una fine e i rimorsi
mi facevano solo più bello.
Ora ho perduto tutto.
Per volere sapere,
per il mio male implacabile
che non crede al futuro
mi sono gettato nel buio…

ჩეზარე პავეზე: * * *

არ იცნობ გორაკებს,
სად სისხლი დაისხა.
ყველანი ვიქეცით,
ყველამ იქ დავტოვეთ
იარაღ-სახელი.
ქალი გვიყურებდა,
თუ როგორ გავრბოდით.
მხოლოდ ერთადერთი
შედგა მუშტშეკრული,
ახედა ზეცას და
ვერა დაინახა.
თავი ჩამოუშვა
და გარდაიცვალა
კედლის ქვეშ, მდუმარე.
ახლა იქ სისხლია
და მისი სახელი.
ქალი გველოდება
ჩვენ იმ გორაკებზე.

Cesare Pavese

Tu non sai le colline
dove si è sparso il sangue.
Tutti quanti fuggimmo
tutti quanti gettammo
l'arma e il nome. Una donna
ci guardava fuggire.
Uno solo di noi
si fermò a pugno chiuso,
vide il cielo vuoto,
chinò il capo e morì
sotto il muro, tacendo.
Ora è un cencio di sangue
e il suo nome. Una donna
ci aspetta alle colline.

9 novembre 1945

ჯუზეპე უნგარეტი: * * *

* * *

როდესაც ყველა შუქი მქრალია
და არას ვხედავ ფიქრების გარდა
ევა მაფარებს თვალებზე სურათს
გადაკარგული ედემებისას.

Giuseppe Ungaretti

* * *

Quando ogni luce è spenta,
E non vedo che i miei pensieri
Un'Eva mi mette sugli occhi
La tela dei paradisi perduti.

კრისტინა როსეტი: როცა მოვკვდები, ძვირფასო

როცა მოვკვდები, ძვირფასო,
სევდით ნუ მიმღერ, ნუ,
თავთით ვარდებს ნუ დამირგავ,
ნურც დიდ კიპარისს, ნუ.
დამეგე მწვანე ბალახად,
იყავი ნამი, რუ.
თუ მოისურვებ, გახსოვდე,
თუ მოისურვებ, ნუ.

ვეღარ ვიხილავ აჩრდილებს
და ვერც წვიმის წვეთებს,
ვეღარ მოვუსმენ ბულბულის
მღერას, თუკი გულს ტკენს.
ისეთ დაისით ოცნება,
სადაც არ ბრუნავს მზე,
წამიერ მემახსოვრება,
წამში დავივიწყებ.

When I am Dead, My Dearest

Christina Georgina Rossetti

When I am dead, my dearest,
Sing no sad songs for me;
Plant thou no roses at my head,
Nor shady cypress tree:
Be the green grass above me
With showers and dewdrops wet;
And if thou wilt, remember,
And if thou wilt, forget.

I shall not see the shadows,
I shall not feel the rain;
I shall not hear the nightingale
Sing on, as if in pain:
And dreaming through the twilight
That doth not rise nor set,
Haply I may remember,
And haply may forget.

ჩეზარე პავეზე; (შენა ხარ მიწა)

შენა ხარ მიწა,
ჯერეთ უთქმელი,
არაფერს ელი,
თუ არა სიტყვას.
სიღრმიდან მოსულს,
როგორც ტოტებში
ნაყოფს ხილისას.
ქარი მოგწვდება.
შემოგეხვევა
ირგვლივ ხმელი და
კვლავმკვდარ საგნებით,
რომელნიც ქარსვე
თან გაჰყვებიან.
კიდურები და სიტყვები ძველი.
ზაფხულისაა შენი ცახცახი.

Cesare Pavese

Tu sei come una terra
che nessuno ha mai detto.
Tu non attendi nulla
se non la parola
che sgorgherà dal fondo
come un frutto tra i rami.
C'è un vento che ti giunge.
Cose secche e rimorte
t'ingombrano e vanno nel vento.
Membra e parole antiche.
Tu tremi nell'estate.

29 ottobre 1945

ჩეკო ანჯოლიერი: ცეცხლი რომ ვიყო

ცეცხლი რომ ვიყო, ქვეყანას დავწვავ,
ქარი რომ ვიყო, მერეხად მოვალ,
წყალი რომ ვიყო, წარღვნით ჩავძირავ,
ღმერთი რომ ვიყო, ქვესკნელში ვისვრი.
პაპი რომ ვიყო, მაშინ ვილხენდი,
ყველა ქრისტიანს დავაწიოკებ,
მეფეთა მეფე-ყველას უფრორე
მხრებიდან თავებს დავაყრევინებ.
სიკვდილ რომ ვიყო, მამასთან მივალ,
ცხოვრება ვიყო, განვეშორები,
დედასაც ასე მოვექცეოდი.
რომ ვიყო ჩეკო, ვინც ვარ და ვიყავ,
დავწვავდი ქალებს-ყრმებს და ლამაზებს,
ხეიბრებს, ხნიერთ სხვებს დავუტოვებ.

Cecco Angiolieri

S'i fossi foco

S'i fosse fuoco, arderei 'l mondo;
s'i fosse vento, lo tempestarei;
s'i fosse acqua, i' l'annegherei;
s'i fosse Dio, mandereil' en profondo;
s'i fosse papa, allor serei giocondo,
ché tutti cristiani imbrigarei;
s'i fosse 'mperator, ben lo farei;
a tutti tagliarei lo capo a tondo.
S'i fosse morte, andarei a mi' padre;
s'i fosse vita, non starei con lui;
similemente faria da mi' madre.
Si fosse Cecco com'i' sono e fui,
torrei le donne giovani e leggiadre:
le zoppe e vecchie lasserei altrui.

ჯუზეპე უნგარეტი: თუ ჩნდება, ალბათ

სადაც ნისლებში ვუჩინარდებით,
ალბათ, მდინარე აქ ჩნდება, ზევით,
ყურს ვუგდებ მღერას იმ საყვირების,
სად ტბის ადგილზე ქალაქი იყო.

Giuseppe Ungaretti

Nasce Forse

C’è la nebbia che ci cancella
Nasce forse un fiume quassù,
Ascolto il canto delle sirene
del lago dov’era la città

ჩეზარე პავეზე: მოვა სიკვდილი და ექნება თვალები შენი

მოვა სიკვდილი და ექნება თვალები შენი,
იგი, რომელიც ცხოვრებაში გვერდით დაგვყვება
ალიონიდან დაისამდე, ძილგატეხილი,
შეუსმენელი, როგორც ძველი მონანიება,
ან მავნე ჩვევა, უაზრო და უნიადაგო.
თვალები შენი იქნებიან უსიტყვო სიტყვა,
ძახილი ჩუმი, დადუმება, ამაოება.
ყოველ ცისმარე დილას ნახავ შენ მათ, როდესაც
სარკის წინაშე მოიხრები, მოიკაკვები.
ჰოჲ, ტკბილო სასოვ, დღე დადგება, როცა გავიგებთ,
რომ ხარ სიცოცხლეც, ერთდორულად რომ ხარ არარაც.

კვდომას ყველასთვის გააჩნია უცვლელი მზერა,
მოვა სიკვდილი და ექნება თვალები შენი,
ეს რომ მოხდება, თითქოს მავნე ჩვევაც გაქრება,
სარკეში ნახავ მკვდრეთით აღმდგარ საკუთარ სახეს,
დახშულ ბაგეთა გაიგონებ მეტყველებასაც.
სიტყვაუთმქელნი ჩავეშვებით უღრმეს მორევში.

Cesare Pavese

Verrà la morte e avrà i tuoi occhi

Verrà la morte e avrà i tuoi occhi-
questa morte che ci accompagna
dal mattino alla sera, insonne,
sorda, come un vecchio rimorso
o un vizio assurdo. I tuoi occhi
saranno una vana parola,
un grido taciuto, un silenzio.
Così li vedi ogni mattina
quando su te sola ti pieghi
nello specchio. O cara speranza,
quel giorno sapremo anche noi
che sei la vita e sei il nulla

Per tutti la morte ha uno sguardo.
Verrà la morte e avrà i tuoi occhi.
Sarà come smettere un vizio,
come vedere nello specchio
riemergere un viso morto,
come ascoltare un labbro chiuso.
Scenderemo nel gorgo muti.

მუვათალიშ II-ის ლოცვა მზის ღმერთისადმი

მზის ცისიერო ღმერთო, კაცთა მოდგმის მწყემსო!
ზღვიდან რომ ამოჩინდები, ციურო მზეო.
ზეცისკენ მიხვალ.
მზის ციურო ღმერთო, უფალო ჩემო! ადამიანს,
ძაღლს, ღორს, ველურ მხეცებს
ყოველდღიურად სიმართლეს ესაუბრები, მზისა ღვთაებავ.

Johannes Lehmann-"Gli Ittiti", Garzanti, Milano, 1977, p. 73

ჯიბრანი: სულიერი მაქსიმები

* * *
როდესაც ჩემი ტკივილი მოთმინების ბაღში დავრგე, ნაყოფად ბედნიერება მივიღე.

* * *
ჩემი უცოდინრობის მიზეზი რომ ვიცოდე, ბრძენი ვიქნებოდი

* * *

გამოთქმები

* * *
მუსიკის ისტორია კაცობრიობის ისტორიაა.

ფრანსუა-ჟოსეფ ფეტის

* * *
ადამიანების სიტყვები და ფიქრები ერთად დაიბადნენ. გაურკვევლად საუბარი გაურკვეველი ხასიათის აზროვნებას ნიშნავს.

ესაიას ტეგნერი

* * *
"ადამიანები თავს არ ვიკლავთ ქალის სიყვარულის გამო. ჩვენ თავს ვიკლავთ იმიტომ, რომ სიყვარულის მეშვეობით გვიცხადდება ჩვენი სულის სიმწირე, უსუსურობა, არარაობა."

ჩეზარე პავეზე

* * *
მკვლელობა მუდამ თვითმკვლელობაა

სიმონე ვაილ

* * *
ზოგიერთი მამაკაცი ცდილობს შეისწავლოს და გაიგოს ქალის ბუნება, ზოგი კი დაკავებულია შედარებით მარტივი საქმეებით. მაგალითად როგორიცაა ფარდობითობის თეორია.

ალბერტ აინშტაინი

* * *
როდესაც დიდი ადამიანების ნაშრომებს ვეცნობით, თავდაპირველად საჭიროა მოვძებნოთ ის ადგილები, რომლებიც აბსურდული შეიძლება გვეგონოს და შევეკითხოთ საკუთარ თავს, თუ როგორ შეიძლებოდა ასეთ დახვეწილ მოაზროვნეს მსგავსი რამ დაეწერა. როცა იპოვით პასუხს თქვენს შეკითხვაზე, როცა ეს პასაჟები აზრს შეიძენენ, მაშინ მიხვდებით, რომ ყველაზე მთავარმა მონაკვეთებმა, რომლებიც უკვე გასაგები გეგონათ, შეიცვალეს თავიანთი მნიშვნელობა

თომას კუუნი



* * *

"სამყარო რომ მოვაწესრიგოთ, ჯერ ერი უნდა დავალაგოთ; ერი რომ დავალაგოთ, ჯერ ოჯახი უნდა დავაწყოთ; ოჯახი რომ დავაწყოთ, ჯერ საკუთარი თავი უნდა გავაკეთილშობილოთ; პირველ რიგში საკუთარი გულები უნდა მოვიყვანოთ წესრიგში."

კუნ-ფუ-ძი